作为当时广东省最大既国营糖厂，从佢大院门口既职工宿舍区规模可以见到工厂有几大，按地图一个个搵点，上午都行左2个钟哦。目前黎讲创意园A到D区都系开放，EFG区未开发完，所以里面既酒精厂水泥厂都入唔到去参观，即系呢个创意园唔单单止一个糖厂车间甘简单，因为就系顺德水道边，工厂对面就系顺德，当时呢度仲有运输码头、万吨仓、游泳馆、煤场锅炉车间d大烟筒处处可见。不过好多大既车间都拆剩个框架外围都拦住唔俾入，有d破旧风格，引入左文创公司重新盘活，一路逛都见到唔少公司入驻，餐饮娱乐团建都有，可能佢既知名度不及旁边宝墨园，周末入黎游玩既人真系唔多，宜家年底其实系入园既最好时段夏天黎肯定晒到焦，宜家天气晴朗但系唔会酷热，最多系戴帽戴眼镜黎防晒，企系码头边可以吹住江风。最后搵一个叫苏式文创街既景点，兜兜转转都见唔到白墙青瓦既房屋，后黎先醒悟呢个苏式唔系苏州，而系苏联式啊，当时50年代我地既办公用房多数系个种2层长廊式建筑。哈哈。