过年期间，去左花都湖公园。花都湖无地铁直达，搭到人和站后再转花1路车就可以到花都湖啦。都几远架。个公园就系围住个湖起左条绿道，公园旁边已经猛甘起楼，系度住环境真系唔错，不过要有车。个湖中间有条木栈道，可以行木栈道，悭d时间，亦可以围住个湖行一圈，都几长架。过年期间呢度梨花同桃花开得都好靓桃花湾，一片都系，仲有茶花，落叶羽杉就无甘靓啦。其实呢个花都湖只系截左湖一部分来起公园，隔离既就系花都湿地公园。原来的花都水泥厂都入埋公园景区里面，厂边d芦苇生到人甘高，黄昏就应该几靓。公园设施都齐全，有自助直饮水，里面无食肆，小卖部都少，如果要食饭就要出去，我就行到去百花广场个边食，个度食肆多d，食完再从公园东面入翻去再行成个公园我都行唔晒啊。太长啦。公园里面可以租单车踩，如果想兜完公园一圈，踩车系个好办法。