系萝岗公园里面见到有玉岩嵒书院呢个景点指示，一路沿着个牌搵，原来系公园外面，出去再测温扫码入院，可能知道既人真系唔多，所以游人少。玉嵒书院又叫罗峰寺。始建于南宋，系广州现存最早既书院，因为依靠罗峰山而建，所以楼阁都系山上依次而立，有书院、祠堂、寺庙、园林，里面仲有唔少古树包括左书院门前，麻石梯顶外左右各一棵百年荔枝树，如果唔系有指示牌挂住，根本唔敢想象呢个系160几年既荔枝古树！如果要睇完所有景点，可以按照游览指示图从左到右环一圈黎行，从正门玉嵒书院牌匾入：余庆楼、种德庵、玉嵒堂、天尊堂、观音殿、萝坑精舍、候仙台、文昌庙、招隐亭金花庙唔开放。每个点都有文字介绍同扫码讲解。大概半个钟就可以完成啦。